கே.பி. முறையில் சிறந்த ஜோதிடருக்கான விதிமுறைகள்

1) இலக்கின பாவத்தின் உப நட்சத்திராதிபதி 9, 12-ம் வீட்டின் குறிகாட்டிகளானால் சிறந்த ஜோதிடராகலாம். 12ம் இடம் ஜோதிட அறிவையும், 9ம் இடம் உயர்கல்வியைத் தரும் பாவங்களாகும்.

2) குருவின் அருளாசியின்றி எந்த அறிவையும் பெற இயலாது என்பது ஜோதிட விதியாகும். குரு 9, 12-ம் வீட்டின் உப நட்சத்திரமானால் ஜோதிட ஞானம்
பெறலாம்.

3) சனி அல்லது சந்திரன் 9, 12ம் பாவத்தின் உப நட்சத்திரமானால் ஜோதிட ஞானம் பெறலாம்.

4) சனி அல்லது சந்திரன் 9, 12ம் வீட்டைக் குறிப்பவர்களாலானும் மறைபொருள் அறிந்த
வருங்கால வாழ்விற்கு வழிகாட்டும் ஜோதிடராகலாம்.

5) யுரேனஸீக்கும் - குருவிற்கும் சம்பந்தம் ஏற்பட்டால் பல ஜோதிட நூல்களை எழுதும் ஆற்றல் உடையவராகலாம்.

6) குரு, புதன் ஜோதிடத்திற்கு காரகர்கள். 2ம் இடம் வாக்கு மற்றும் யோகத்தையும் தரும் இடமாகும்.

7) சனிக்கும். சந்திரனுக்கும் 1, 3, 9, 10-ம் இடம் சம்பந்தம் சிறந்த ஜோதிட ஆராய்ச்சி செய்யும் திறமையைத் தரும்.

ஜோதிட மார்த்தாண்ட திரு.கே.எஸ்.கிருஷ்ணமூர்த்தி அவர்களின் ஜாதகம். இந்த நூற்றாண்டில் ஜோதிடத்தில் ஒரு புதிய முறையை உபநட்சத்திராபதி முறையை ஜோதிட உலகிற்குத் தந்த மேதையாவார்.

பாவம்                                                              உபநட்சத்திராபதி

1.                                                                               செவ்வாய்
2.                                                                                  புதன்
3.                                                                                  புதன்
4.                                                                                   ராகு
5.                                                                                   சனி
6.                                                                                  புதன்
7.                                                                                சந்திரன்
8.                                                                                சந்திரன்
9.                                                                                  புதன்
10.                                                                           செவ்வாய்
11.                                                                               புதன்
12.                                                                             சுக்கிரன்

கிரகம்                                         நட்சத்திராபதி                              உபநட்சத்திராபதி
1. சூரியன்                                         ராகு                                               சுக்கிரன்
2. சந்திரன்                                     சந்திரன்                                         செவ்வாய்
3. செவ்வாய்                                 சந்திரன்                                            சுக்கிரன்
4. புதன்                                               ராகு                                                  ராகு
5. குரு                                             சுக்கிரன்                                          சந்திரன்
6. சுக்கிரன்                                     சூரியன்                                              சனி
7. சனி                                               சனி                                                  சந்திரன்
8. ராகு                                         செவ்வாய்                                           சந்திரன்
9. கேது                                           கேது                                                     ராகு
10. யுரேனஸ்                              சுக்கிரன்                                                குரு

1) இலக்கின பாவத்தின் உபநட்சத்திராபதி செவ்வாய், 9-ம் பாவத்தில் இருந்து 12-ம் பாவத்தை பார்வையிடுவதும். இலக்கினாதிபதி சனியாகி 9,12-ம் பாவத்தை பார்வையிடுவது சிறந்த ஜோதிடருக்கான விதிகளாகும்.

2) 2-ம் பாவத்தின் உபநட்சத்திராதிபதி புதன் ஜோதிடத்திற்கு காரகன். இதனால் விநாயகரின் அருளாசி பெற்ற பெரியவர், வாக்கு ஸித்தி பெற்றவர்கள்.

3) 9-ம் பாவத்தின் உபநட்சத்திராதிபதி புதன்.

4) 3-ம் இடம் புத்தகம் வெளியிடும் திறமையைக் குறிக்கும் பாவம்.

5) 3ம் பாவத்தின் உபநட்சத்திராதிபதி புதன் 6, 9க்கதிபதி, 9-ல் இருப்பதால் பல ஜோதிட நூல்களை எழுதும் திறமையும் தந்தது.

நன்றி :
ஜோதிடப் பேராசிரியர் திரு. S.P.சுப்பிரமணியன், L.C.E, Retd., J.E, பழனிகோயில் தெரு, நெற்குப்பை – 630405 மொபைல் : 94433-45484, 89407-60309

Ref : கிருஷ்ணமூர்த்தி ஜோதிட பத்ததி யோக விளக்கம்

ஆசிரியர் : ஜோதிடப் பேராசிரியர் எஸ்.பி.சுப்பிரமணியன்

பதிப்பகம் : நர்மதா பதிப்பகம், 10, நானா தெரு,
(தி.நகர் தலைமை அஞ்சலகத்தை ஒட்டிய தெரு)
பாண்டி பஜார், தியாகராய நகர், சென்னை – 17
தொடர்புக்கு : 044-24334397
மொபைல் : 98402-26661, 98409-32566, 99400-45044

பெண்ணுக்குத் திருமணம் செய்ய 

உகந்த நட்சத்திரம்

பொதுவாக பெண்குழந்தைகளைப் பெற்றவர்கள் தங்கள் பெண் நல்லபடி வாழவேண்டும் என்று கவலைப்படுவார்கள், கடவுளை வேண்டிக்கொள்வார்கள்.  ஆணோ அல்லது பெண்ணோ ஒருவருடைய திருமண  நாளைக் குறிக்க பலவிதிகள் பஞ்சாங்கத்தில் சொல்லப்பட்டுள்ளது. ஆனால்  நடைமுறையில் திருமண மண்டபத்திற்கு அட்வான்ஸ் கொடுத்துவிட்டு நாள் குறிக்கும் நிலை தோன்றிவிட்டது. இது சரியல்ல. திருமண வாழ்வில் பல பிரச்சினைகள் ஏற்படுவதற்கு இதுவும் ஒரு காரணம் என்று சொன்னால் மிகையாகாது. எந்த சுப செயலுக்குமே தொடக்கம் செய்யும் நாள் மிக முக்கியம். தான் பெற்ற மகளுக்கு திருமணத்தைக் குறிக்க சுலபமான அதே சமயம் மிகச் சிறந்த ஒரு நாள் சுவாதி நட்சத்திரம் என்று யஜூர் வேதத்தில் முதல் அஷ்டகத்தில் சொல்லப்பட்டுள்ளது.

காரணம் சுவாதி நட்சத்திர நாளில் திருமணம் செய்துகொள்ளும் பெண் தன கணவருடன் மிகவும் பிரியமாகவும் அன்பாகவும் அதிக நெருக்கம் கொண்டவளாகவும் விளங்குவாள் என்று வேதம் சொல்கிறது. கணவன் வீட்டில் சண்டை போட்டுக்கொண்டு தாய் வீட்டுக்கு மகள் திரும்பி வரமாட்டாள். வந்தால் சந்தோஷமாக கணவனோடு வந்து கணவனோடு செல்வாள். கணவனைப் பிரியாமல் இருப்பாள் என்று சொல்லப்பட்டுள்ளது. சுவாதி நட்சத்திரம் வளர்பிறை நாளில் நல்ல சுப திதியோடு சேர்ந்து வந்தால் திருமணம் செய்ய அது மிகவும் சிறப்பான நாள்.

ஒருவர் பிறந்த நேரப்படி வெற்றி தரும் 

யோக நட்சத்திர நாள் எது ?

பஞ்சாங்கம் என்ற ஐந்து அங்கங்களில் யோகம் என்ற வடமொழி சொல்லுக்கு சேர்க்கை என்று பொருள்படும். இதில் சில வகைகள் உண்டு. சூரியன் மற்றும் சந்திரன் செல்லும் தூரங்களை சேர்த்துப் பார்ப்பது ஒரு யோகம். இது ஒருவரின் பிறந்தநாளின் அடிப்படையில் 27 வகைப்படும். இது ஒவ்வொருவரது ஜாதகத்தில் குறிப்பிடப்பட்டிருக்கும். இவற்றை வைத்து ஒருவருக்கு எந்த நட்சத்திரம் மிகவும் நன்மை தரும். எந்த நட்சத்திரம் தீமை தரும் என்று அறியலாம்.   கீழே கண்ட யோகங்களில் பிறந்தவர்கள் அதற்கு நேராக உள்ள யோக நட்சத்திரத்தில் செய்யும் காரியங்கள் வெற்றி அடையும். இந்த நட்சத்திரத்தில் பிறந்தவர்கள் குறிப்பிட்ட யோகத்தில் பிறந்தவர்களுடன் நட்புடன் இருப்பார்கள். ஆனால் அதற்கு அடுத்துள்ள அவயோக நட்சத்திரத்தில் செய்யும் காரியங்கள் தோல்வியில் முடியும் அல்லது பிரச்சினையில் சிக்கும். அவயோக நட்சத்திரத்தில் பிறந்தவர்களுடன் பழகுவதில் கவனம் தேவை. 

யோகம்	யோக நட்சத்திரம்	அவயோக நட்சத்திரம்
விஷ்கம்பம்	பூசம்	திருவோணம்
பிரீதி	ஆயில்யம்	அவிட்டம்
ஆயுஷ்மான்	மகம்	சதயம்
சௌபாக்கியம்	பூரம்	பூரட்டாதி
சோபனம்	உத்திரம்	உத்திரட்டாதி
அதிகண்டம்	ஹஸ்தம்	ரேவதி
சுகர்மம்	சித்திரை	அஸ்வினி
திருதி	சுவாதி	பரணி
சூலம்	விசாகம்	கிருத்திகை
கண்டம்	அனுஷம்	ரோகிணி
விருத்தி	கேட்டை	மிருகசீரிஷம்
துருவம்	மூலம்	திருவாதிரை
வியாகதம்	பூராடம்	புனர்பூசம்
ஹர்ஷனம்	உத்திராடம்	பூசம்
வஜ்ரம்	திருவோணம்	ஆயில்யம்
சித்தி	அவிட்டம்	மகம்
வியதீபாதம்	சதயம்	பூரம்
வரியான்	பூரட்டாதி	உத்திரம்
பரிகம்	உத்திரட்டாதி	ஹஸ்தம்
சிவம்	ரேவதி	சித்திரை
சித்தம்	அஸ்வினி	சுவாதி
சாத்தியன்	பரணி	விசாகம்
சுபம்	கிருத்திகை	அனுஷம்
சுப்பிரம்	ரோகிணி	கேட்டை
பராமயம்	மிருகசீரிஷம்	மூலம்
ஐந்திரம்	திருவாதிரை	பூராடம்
வைதிருதி	புனர்பூசம்	உத்திராடம்

ஒவ்வொரு கிழமையும் வெவ்வேறு நட்சத்திரங்களுடன் சேர்வதால் வருவது ஒரு யோகம். இவை அமிர்தாதி யோகங்கள் ஆகும். ஜாதகத்தில் ஒன்றுக்கு மேற்பட்ட கிரகங்கள் சேர்வதால் ஏற்படுவதும் யோகம் என்று சொல்லப்படும். இவற்றில் பலவகையான யோகங்கள் உண்டு. கிரகங்கள் சேர்க்கையால் ஏற்படும் யோகத்தின் தன்மையால் நன்மையோ தீமையோ ஏற்படும்.